حافظ على أسنان طفلك بهذه الطرق الرائعة جدا جدا ~ دكتور أطفال

ازاي اقدر احافظ علي اسنان طفلي ؟👩‍👦

ازاي امنع التسوس او اقلله ؟

طفلي سنانه بتوجعه مع الحلويات يا دكتوره

🤕

طفلي مبينامش من وجع سنانه

😢

طفلي بيمص صوابعه اعمل ايه ؟!!

هو طفلي كده متأخر ف التسنيين ؟

امتي اروح لدكتور الاسنان ؟

طفلي اتخبط و سنانه وقعت اعمل ايه

😵

اسئله كتير الام بتواجهها ف التعامل مع اسنان اطفالها . خصوصا لو مامي لأول مره و ممرتش بالتجربه دي قبل كده

عشان كده قررنا نعمل شويه توعيه عن مشاكل اسنان الاطفال و كيفيه الاهتمام بيها و هنجاوب من خلال بوستاتنا علي اغلب التساؤلات دي..

اول سؤال .. ازاي احافظ علي اسنان اطفالي ؟!

عشان نقدر نتغلب عالتسوس لازم الاول نعرف مسبباته

عشان يحصل تسوس يبقي عندنا مشكله ف حاجه من ٣

١- عدم الاهتمام بغسيل اسنان الاطفال

٢- نوع الاكل اللي بياكله الطفل

🍫

🍭

🍬

٣- عدد مرات الاكل و مواعيد الوجبات⏱⏱

***طب يا دكتوره ده انا ابني صغير خالص ازاي يغسل اسنانه ؟!!

الام لازم تغسل لابنها سنانه بدايه من ظهور اول سنه في فم الطفل

ايوا و هو لسه رضيع

👧🏼

👶🏻

و ف السن الصغير لما بيكون الطفل غير قادر عالامساك بالفرشه الام بتمسكهاله او تضع شويه معجون علي صباعها قد نصف عقله الاصبع و تغسله سنانه

الام هتستخدم معجون اسنان الاطفال لاحتوائه نسبه فلورايد اقل و هتستخدم الكميه الصغيره دي ( نصف عقله الاصبع ) فاحتماليه بلع الطفل للمعجون هتكون اقل

و متخافش حتي لو بلعه لان معجون الاطفال نسبه الفلورايد فيه بتكون اقل ..فاحتماليه حدوث تسمم لا قدر الله بتكون اقل بكتير

***نيجي لتاني حاجه نوع الاكل و عدد الوجبات و مواقيتها

طبعا البيبسي ممنوع للطفل

❌

الحلويات و الشوكولاتات لو اخدناها ناخدها بالنهار

🌞

🌞 و نغسل اسنانها بعديها

الحلويات متتاخدش بالليل قبل النوم ( دي كارثثثثثثه )

🌜

🌚

الحلويات متتاخدش عمال علي بطال ( معدل تعرض الاسنان للحلويات اخطر من نوع الحلويات و نسبه السكر فيها )

👺

الطفل لازم اسنانه تغسل مره بالنهار و مره بالليل و بالليل اهم من النهار

***للاطفال الرضع اللي ظهرت عندهم اسنان من سن ٦ شهور فيما فوق

👶🏻

تجنبي اعطاء الطفل الببرونه بالليل علطول !!

ايوا فعلا من اكتر اسباب تسوس اسنان الاطفال هي الرضاعه .. و خاصه لو رضاعه صناعي

🍼

و للاسف المشكله مبتظهرش اوي مع ظهور اول سنه الضرر بيظهر اكتر لما بيكون سن الطفل فوق السنه و ابتدي يظهر في فمه اكتر من سنة ..

الام عشان تنيمه بتديله الببرونه و ده وقت بيتغسلش سنانه فيها و ده بيسبب تسوس شرس جدا للاطفال !!

نلاقي الطفل عنده سنتين او ٣ بالكتير و سنانه الاماميه كلها مسوسه !!!

الام فاكره ده من الحلويات

🍫

🍬

لا يامامي ده من اثار الرضاعه مش اللبن ده فيه سكر?!

و التسوس ده بنسميه nursing bottle caries او early childhood caries يعني التسوس المصاحب للببرونه او تسوس الطفوله المبكر

طب الحل ايه

❓

❗

-الطفل مينامش بالليل و ف ايده الببرونه

🍼

-استبدال اللبن او العصير داخل الببرونه بالماء

-الام تضع جمبها قطن و ماء عند النوم بعد ما الطفل يرضع تمسحله بقطنه مبلوله اسنانه فنقلل تلامس الاسنان لللبن

كده باذن الله نقدر نقلل من حدوث التسوس و لازم نعرف ان المنظمه الامريكيه لطب الاسنان بتوصي ان الطفل يزور طبيب الاسنان عند بلوغه عامه الاول حتي بدون شكوي

شدوا حيلكوا يا ماميز