ده اكتر مرض منتشر عند الاطفال في سن الحضانه والمدرسه اليومين دول ..
حراره عاليه +غدد وارمه ومؤلمه في الرقبه +صديد علي اللوز
ايه المفروض نعمله ؟؟؟؟؟
مزرعه للصديد وتحديد نوع الميكروب وانسب مضاد حيوى
اللوز معديه يا دكتور؟
طبعا معديه جدا ، وبتتنقل بالنفس والرذاذ الخارج من الفم.
اعمل ايه علشان ابني ميعديش حد تاني؟
- لازم ياخد اجازه من المدرسه اسبوع ..
- الاماكن اللي بيقعد فيها نرش فيها الاسطح اللي بيلمسها بكحول من وقت للتاني لتطهيرها، زي اوكرة الباب ومقبض الكرسي ، الريموت وغيرها.
- كلنا في البيت نغسل ايدينا كويس قبل منعمل اي حاجه.
- في البيت يستخدم فوطه وكوبايه وطبق منفصل عن اخواته.
- مينمش ولا يقعد نفسه قريب من حد تاني.
- الغرفه متهويه باستمرار.
- دايما لما يعطس يكون في منديل ورق او في ذراعه علشان مينشرش الرذاذ المعدي في كل حته ، ويغسل ايديه بعدها علطول.
طيب نشيلها ونخلص؟
لأ طبعا .. اللوز دي حائط الصد الاول للميكروبات اللي بتدخل الجهاز التنفسي .. فمش بنشيلها غير في الضروره القصوي ، واجدر الناس بتحديد تتشال ولا لأ هو دكتور الانف والاذن والحنجره ... واحدث اصدار للجمعيه الامريكيه AAP, AAO انها تتشال في حاله من اربعه:
1- لو جت في سنه واحده اكثر من 7 مرات صديد في اللوز، ويحددها الدكتور مش الاهل .
2- لو جت في سنتين متتاليين اكثر من 5 مرات صديد في اللوز كل سنه.
3- لو جت في ثلاث سنوات متتاليه اكثر من 3 مرات صديد في اللوز كل سنه.
4- لو اللوز متضخمه بحيث تسبب نوبات اختناق للطفل واضطراب في النوم والتنفس اثناء النوم.
تحويل كودإخفاء محول الأكواد الإبتساماتإخفاء