كدة زى المشى وخلع الحفاضة بتحتاج مجهود وصبر ولازم نمشى عالخطوات عشان الطفل ميرفضش الأكل ولا مايعرفش يبلع ونرجع نشتكى
لأنه كان متعود لما يجوع بيستخدم المص عشان يأكل مش البلع وكمان أكل صلب
س؟؟
=أمتى وأزاى أعرف أذا كان أبنى عنده أستعداد للأكل ولا ولأ؟
-العلامات:-
*الطفل يشوف الأكل يبتسم تقربى منه اى حاجة يفتح بقه يبقى عنده أستعداد يدوق بيدير وشه الناحية التانية وقافل بقه وعيط يبقى مش مستعد
*الطفل أخد أكل وداقه وأبتدى يبلع ومستصيغ الأكل دة تمام بيطلع الأكل ويزقه بلسانه يبقى مش متقبل الصنف أو الأكل عامة لو فبداية دخول الأكل الصلب
لازم نفهم اننا بندوقه طعم الأكل وبنعلمه يبلع الأكل الصلب مش بنأكله ودة لحد عمر سنة وأعتمادنا الأساسى على الرضاعة فنمو الطفل
أفضل حاجة نبتدى بيها التفاح المسلوق أول يوم معلقة تانى يوم 22 وهكذا لو الطفل حبه نديله الكمية اللى هوا يقدرها مش أحنا أسبوع كامل مش حنديله غير تفاح
-نبدأ بقى بمكونات شوربة الخضار نجيبهم حاجة حاجة أسبوع منفصل لكل حاجة منهم يعنى ندى :-
بطاطس+تفاح أسبوع
جزر+بطاطس+تفاح أسبوع
كوسة+بطاطس+جزر+تفاح أسبوع
بنفس طريقة التفاح أول يوم معلقة تانى يوم 2 وهكذا لو الطفل حبه نديله الكمية اللى هوا يقدرها مش أحنا
**الخطوات دى بتخلى الطفل يتقبل الصنف فنمشى عليها**
س ؟؟
-طيب أنا أبنى رفض البطاطس مثلا نحاول طول الأسبوع نديهاله رفض كل يوم لمدة أسبوع خلاص منديلهوش مافيش غصب فالأكل أبدا ودة المبدأ اللى لازم نمشى عليه ماحدش بيتغصب على أكل
بعد كدة ولو أنى مبأفضلش نديله سيريال(سيريلاك وهيرو) عشان الخضار أفضل أكيد والحاجات الطبيعية
بس أحنا شعب كسلان بنحب الجاهز وانا لسة حاسلق خضار المهم بيتعمل بالمىة وبرضه بنبدأ أول يوم معلقة تانى يوم 2 وهكذا لو الطفل حبه نديله الكمية اللى هوا يقدرها مش أحنا
عصاير بقى
عصير برتقال فريش جميل فالشتاء دة فيه فيتامين سى ينشط الجهاز المناعى دة غير أنه ملي
""الشهر الثامن ""
-صفار بيض مسلوق 4أيام
-كبدة فراخ 4 أيام
-صدر فراخ مسلوق ومضروب فالخلاط 4 أيام
-السمك مسلوق ونخلى بالنا من الشوك 4 أيام
""الشهر التاسع""
يأكل الطفل زينا كل حاجة ما عدا
*الألبان ومنتجاتها بعد سنة
*عدد الوجبات*
السادس والسابع :- وجبتين فاليوم
من الثامن:- 3 وجبات بدون غصب أو تحديد كمية يعنى على حسب ما يتقبل الطفل
والوجبات دى فنص اليوم أول اليوم وأخره رضاعة وخلينا متفقين أن الرضاعة هيا الأساس
*زيادة وزن الطفل عن الطبيعى زى نقص وزن الطفل مرض محتاج علاج وبيأخر النمو
"الأكل بالمعلقة"
الطفل بيقدر يستعمل المعلقة من سنة ونص لسنتين وفى أطفال بتبقى مصرة تمسك المعلقة وتأكل نفسها سيبيه وربنا يقدرك تنضفى وراه
**طرق التحضير**
طريقة التفاح والخضار قلناها قبل كدة فموضوع الأكل المحفوظ
بس نصايح سريعة
السلق الصحى للخضار فى حلة الضغط البرستو عشان بتحافظ على كل العناصر الغذائية
س؟؟
-طيب أنا معنديش حلة برستو مافيش حل؟
السلق فمية دة بينقل العناصر الغذائية بعد ما يكسرها لمية الغلى يبقى تحطى مية الغلى دى فالخلاط مع الخضار وأنتى بتضربيه
*عصير البرتقال*
بنعصر البرتقال بالمية بنسبة 1 الى 1 يعنى 100 جرام على 100 مل مية
نجيب البرتقال السكرى أحسن
8 معالق برتقال قيها 16 جرام فيتامين سي دة اللى محتاجه الطفل يوميا من فيتامين سي لو أزيد أفضل
كمان ملين للأطفال اللى عندهم أمساك أما وقت الأسهال نبدله بليمون
*الجزر
فيه فيتامين أ
بيعمل أصفرار فجلد الطفل حاجة أسمه كاروتينيميا دة مش مرض ولا حاجة تقلق
*الموز
-قابض للأمعاء نستخدمه فالأسهال عشان فيه مادة البكتين
-ننقى الموز اللى أستوى يعنى قشرته صفراء مش خضراء ليه؟
عشان الموزالأخضر فيه نسبة نشاء عالية ممكن تعمل أضطرابات معوية وفالتامن عشان برضه فيه نشاء بعد مايستوى بس أقل
س؟؟
-مافيش ألا موز أخضر أعمل أيه؟
نحطه من غير منقشره فمىة مغلية 55 دقايق يتحول النشاء اللى جواه لمواد سكرية ممكن الطفل يهضمها وبنفس الطريقة ممكن ندخله عند 6 شهور بس برضه بلاش أفضل لأنه مسكر حيكره الطفل فالخضار
*ميكس الرمان مع التفاح:-
دة رهيب ساحر مع الأسهال أفضل من أى دواء أسهال
*عصير الطماطم:-
نغسل الطماطم ونقشرها ونجيب شاشة نضيفة نصفى عليها الطماطم نخففها 1 ألى 1 زى البرتقال
فيها بقى فيتامين سى و أ و ب
س؟؟
-فى حاجة بتتكرر كتير برضه أن أم طفلها بيأكل صنف واحد بس ماشى عليه لو أدتله اى حاجة تانى غيره يرفض
سيبيه براحته مش حتقدرى تغصبى عليه فحاجة
لو غصبتى عليه أكتر من مرة فنوع تانى ممكن يرجع أو يجيب نتيجة عكسية أنه ممكن يرفض كل الأكلات
دة ليه لأن براعم التذوق عنده لسة مش مكتملة النمو على سنتين بتكتمل وحيتقبل كل الأكل اللى كان رافضه متقلقيش
تحويل كودإخفاء محول الأكواد الإبتساماتإخفاء