علامات الخطر عند الاطفال red flags in paediatric
اولا انا اقصد بعلامات الخطر انها اول ماتشوفيها لازم تكون عند الدكتور بسرعه يشوفه ويطمنك عليه
1_الطفل حدبثى الولاده مبيتنفسش او مصرخش اول مانزل دى علامه خطر
2_الطفل حديثى الولاده بيزرق لاى سبب من الاسباب علامه خطر
3_الطفل فى اول اسيوع كل ايرضع يشرق شرقه جامده ويكح جامد علامه خطر كبيره
4_الطفل بعد السره ماتقع وبينزل دم من السره خطر جامد ولازم توقفيه وتكتشفى ايه السبب
5_الطفل لو اصفر من اول يوم دليل على تكسير الدم ودا خطر ولازم نقل دم
6_السره لو بيخرج منها افرازات زى stool(براز) او بول دا علامه ان فيه اتصال بين الامعاء والسره او المثانه والسره ودا خطر
7_صوت بكاء الطفل نفسه اول يوم ميلاد لو مش طبيعى يعنى صراخ عالى ومزعج دا علامه خطر ولازم حضانهneonatal asphyxia
8_الطفل لو بيرجع كل اللى بياخده والدليل انه مبينمش وكمان مبيعملش stoolدا خطر ومضاعفاته اخطر
9_وجود الدم فى براز الطفل باى كميه علامه على خطر ولو كتير مصيبه
10_الطفل معنلش حمام بقاله اكتر من 3 ايام وانتى مش عايزه تديله لبوسه علشان ميتعودش على اللبوس استنى بقى لما يجيله تسمم
11_الطفل اللى عنده اسهال باستمرار وعينه داخل لجوه وجلده ناشف ونفوخه نازل لتحت وهفتان ونفسه ودقات قلبه سراع دى علامات جفاف شديد
12_الطفل مبيقدرش يمسك حاجه تممرريها فى ايده ويكمض عليها جامد لمده دقيقه على الاقل دا خطر
13_الطفل بيستخدم ايد وحده والتانيه مش قادر يحركها علامه خطر مخ واعصاب
14_الطفل مش بيلوح دماغه يمين وشمال ومثبتها فى النص دى علامه خطر بردو مخ واعصاب
15_الطفل بيمشى كويس وبعد 4 شهور من مامشى بقى بيمشى على اطراف اصابعه ومبيلمسش كعبه الارض دا خطر
ملحوظه دى تختلف عن ان الطفل يبدا ماشيه على اطراف اصابعه دى عادى
16_عدم التماثل او الاختلاف فى ناحيه من الجسم عن الاخره خطر حاجه فى المخ
17_الصداع والدوخه والقابليه للترجبع وعدم القدره على التركيز بالعينى خطر كبير لازم نعرف السبب
18_العين الحساسه للشمس واللى بترتجف من جوا علامه خطر ولازم دكتور عيون
19_بيقرب الحاجه من عينه اوى علشان يشوفها او مبيحبش يبص على الحاجات الصغيره خطر ولازم نلحق نظره عند دكتور عيون
20_بيستخدم عين وحده اكتر من التانيه او بيقفل عين ويفتح عين وحده خطر ولازم كشف عيون
21_الحول من اكثر امراض العيون اللى مينفعش يتسكت عليها
22_لايستجيب للندا يعنى لما تنادى عليه مبيردش لازم نعرف ايه السبب
23_افرازات الاذن لو بزياده او ليها لون او ريحه مختلفه خطر
24_بيتكلم بصوت عالى معناها انه مش سامع صوته ولازم دكتور انف واذن ونقيس السمع
25_الطفل معملش حمام بول لمده اكتر من 5ساعات فى اى سن مصيبه مش خطر بس
26_الطفل بيكح كحه خشنه زى نباح الكلب وبتظهر مع الشهيق صوت تصفير دى خناق croupومينفعش نصبر عليه للصبح
لانه مبيجيش الا بالليل او بيزيد بالليل
27_الطفل عنده حساسيه صدر وصدره مكتوم وبيزرق فى اى وقت خطر اوى عليه ومينفعش نستنى عليه ابدا
28_الطفل مجهوده قليل وبيزرق لو عمل مجهود ونفسه سريع وبيمسك قلبه خطر اما انميا او حاجه فى القلب
29_شرب الطفل للمنظفات اى نوع وباى كميه او بلع اى حاجه خطر اوى ولازم طوارئ فورا
30_الطفل فى ريحه وحشه فى الانف ومكتومه ممكن يكوم فيه حاجه داخله فى الانف ودا خطر
31_السخونيه اكتر من 40 خطر اوى على المخ والفلب والكبد
32_الطفل عنده سيمات الطفل المغولى او سيمات التوحد وساكته من غير علاج خطر اوى توصل الى ابعد الحدود
33_الطفل الرضيع بيرضع بسيط ومجهوده قليل وبيزيد ببطئ اوى وساكته تقولى بكره يكبر ابقى استنى بقى
34_الطفل بيزيد فى الوزن بكميه رهيبه وناسيه كوشينج اللى هى زياده الكورتيزون فى جسمه دا بيجيب مصايب لو متعالجش
35_الطفل لو رجع دم فى اى وقت وباى كميه خطر اوى
36_الطفل اول ماطلع الاسنان وطالع سنه او ضرس مسوس علامه خطر ولازم دكتور اسنان
37_الطفل متاخر فى التسنين حتى عمر 13 شهر ولسه مسننش خطر
38_الطفل عنده انميا اقل من 6ساكته دا عايز نقل دم حضرتك
39_التشنجات فى الاطفال من اكثر العلامات المرعبه فى الاطفال ولازم نعرف السبب
40_التهابات الغده النكافيه اللى بتيجى خلف الازن خطر على الاطفال الزكور قد تسبب العقم
كل دى علامات خطر لازم نخلى بالنا منها ونحافظ ولو لاقدر الله ظهرت عن طفلك لازم يشوفه دكتور متخصص فى الحاجه اللى عنده
البوست مهم ومفيد
متنساش تشيري وتمنشني لكل اللي عندك
#شير
#منشن
#حكايات_طبيب_اطفال
#منقول
1 التعليقات:
إضغط هنا لـ التعليقاتدكتور بنتي مولده بقالها ١٤يوم هيا معملش حمام براز غير لماااديتلها نصف لبوس جلسرين عملت حمام ٤ ايام بعد كده مش عملت ادتها ملين عملت امبارح كده محتاجه دكتور جراحه أطفال ولا اعمل ايه ممكن حضرتك تقولى
تحويل كودإخفاء محول الأكواد الإبتساماتإخفاء