1. حساسية الأنف :
إبنك اللى النوز عماله رشح على زكام على خنفرة أو هرش متكرر أو شخير كل ده لو بيتكرر فى "مواسم" أو مع التعرض لمثير معين زى التراب أو الشجر أو القطط أو روايح معينة .. لازم نشك فى حساسية أنف .. ومينفعش يقعد يتعالج على إنه برد وبيتكرر وخلاص وساعتها العلاج بيكون بخاخات الكورتيزون للأنف بوصف طبيب اللى بتغير حياتك فوق ٩٠٪ !
2. العدوى المتكررة :
كتير من الأمهات بتشتكى إن ابنها "كان زى الفل لغاية ما نزل المدرسة" .. والحقيقة إن نقص التهوية و عدم التوعية الصحية باستخدام الكمامات وعدم السعال فى الوجه وعزل الأطفال المصابين بالكحة وإستخدام الأغراض الشخصية للتلاميذ و عدم التوعية بالنظافة العامة زي أهمية غسيل الإيد بشكل منتظم من أشهر أسباب المرض المتكرر!
3. الطفل الحامل للميكروب .. Nasopharyngeal carrier وده طفل بيبقى الميكروب موجود فى الأنف والحلق والحيوب الأنفية نتيجة مضاد غير كامل أو جرعة ناقصة وبيتعرف بمسحة من الحلق .. وجود البكتيريا على الجسم والأيدى و الجلد وحتى أسطح الحمامات والمراحيض بيكون "صحى" فى تنشيط مناعة الجسم بشكل عام ،، المشكلة هنا فى الأطفال كثيرى العدوى بيبقى مهم جداً تقليل "الحمل البكتيرى bacterial load” فى البيئة المحيطة ..
عشان كده غسيل الأيدى بالمطهرات وتطهير الأرض و الأسطح في البيت كذلك غسل الحمامات والمراحيض بشكل يومى بحد أقصى ١٠ ايام بالشهر لمدة ٣ أشهر متتالية فقط ده بيقلل وجود البكتيريا وفعال جداً وجربته بنفسي مع أطفال عندى في العيادة.
4. اللحمية يا اخوانّا 🤢😰 :
أحياناً كتيرة نقعد كدكاترة نعالج البرد على إنه حساسية أنف وننسى "الطوبة" اللى سادّه مجرى التنفس من فوق ! طفل اللحمية ده طفل فاتح بؤه على طول mouth breather .. مهما تسلك الأنف مبتسلكش .. دايماً صوت شخير وهوا نايم .. بيصحى عطشان عشان جفاف الفم بالليل .. ومننساش ريحة الفمّ اللى البيت كله بيهرب منها 😰 الولد ضحية مش سبب وبنحتاج نشيل اللحمية بتقييم طبيب طبعاً والتحسن بيوصل ل ٧٠٪ فى الأعراض👌
5. حساسية الصدر :
ودى غالباً ٩٠٪ بيكون معاها حساسية أنف .. بنعرفها لما الكحة تبقى بصوت صفارة (تزييق) والطفل ينهج ويكح لما يجرى ويلعب أو يبدل مجهود والتكرار ٤ مرات فأكثر فى السنة !
ابنك اللى الكحة "مش سايباه" حرفياً لازم يتقيم تقييم شامل لإن العلاج برضه مش إبر ولا مضاد لأ ده بخاخات بس المرة دي للصدر 👌
6. اللبن !!!!!!!!!!!!!!!!!!🤔
تخيلوا إن حساسية الطعام ممكن تكون سبب لكحة وبرد إبنك المتكرر !!
لو لاحظتى أعراض جهاز هضمى متكررة أو مزمنة زى (إمساك -إسهال-ألم بطن-ترجيع) أو جلدى(إكزيما-تسلخات حفاظ) مع أدوار برد متكررة لطفلك .. لازم تبلغى طبيبك عشان اللبن ، القمح، الصويا،السمك،المكسرات،البقوليات والبيض من أهم الأطعمة اللى ممكن تسبب كحة ورشح متكررين ولو وقفتيهم -بعد كشف وتحاليل طبعاً-هتلاقى الكحة وقفت فوراً - كأنه سحر !
7. نادرة لكن موجوده !!
بعض الأمراض مثل أمراض خِلقية فى تكوين الرئة والجهاز التنفسي أو مثل شلل الأهداب التنفسية ciliary dyskinesia ، أمراض نقص المناعة ، أمراض تمثيل غذائى معينة وغيرها ممكن تؤدى لبرد ورشح وكحة لا تقف .. ولكن .. بتكون مصاحبة بأعراض أخرى في باقى الجسم .
#شيرفىالخير..
ودمتم بخير وأطفالكم ❤
هذه النصائح تأتيكم برعاية ديتول**
تحويل كودإخفاء محول الأكواد الإبتساماتإخفاء