#تخاريف_غير_طبية
🎄تخاريف ان الطفل اللى سخن مياكلش سمك و بيض و زبادي و عدس و موز 🍌
🎄تخاريف ان اللبن مع السمك يسمم و الدوا فى اللبن يموت🤔
🎄تخاريف الليمون والبرتقال ممنوعين مع الكحة مع ان علاج الكحة والبرد فتامين سى🍋 تحرميه ليه😭
🎄تخاريف ان الطفل لو ماكلش قبل ٣شهور حيطلع بيكره الاكل ده حيكره نفسه😠
🎄تخاريف ان الطفل لو اخد التطعيم و مش سخن يبقي معملش مفعول بتجيبوا الكلام ده من منين😏
🎄تخاريف انك تدي كالسيوم بدل فتامين د اللبن مليان كالسيوم يا جودعان والزيادة بتترسب فى الكبد مش بتطلع سنان
او انك تدى فتامين د النشط بدل فتامين د ده على اساس ان الغالى تمنه فيه وكده دى مش شنطة دى جسم انسان.
🎄تخاريف ان الطفل اللى عنده اسهال ميرضعش ومياكلش علشان الاسهال يقف كده عمره هو اللى حيقف 😲 عوضى بسوايل كتير و اكل مش سفن اب وخلاص.
🎄تخاريف ان الطفل بيتعود على جلسات البخار وان البخاخات رجس من عمل الشيطان 🙁 دى ا حدث وافضل علاج لحساسية الصدر.
🎄تخاريف ان علاج الصفرا لمبة نيون ودواء❌ علاجها ياما
دخول حضانة او يروح ويرضع وخلاص حسب نسبته وعمره
بالايام والسعات و الى يقول غير كده اشتغالات.
🎄تخاريف ان اللبن مش بينزل قبل ٣ايام فتدى صناعى و ميه بسكر مفضلش غير انك تعمليله كوباية شاى🍵.
اللبن موجود بس قليل وده كافى لاحتياجاته وحجم معدته ده غير اهميته .
🎄تخاريف لو عدت عليكى واحدة بسلسلة او جوزها مزعلها لبنك ينشف ...كلام هبل وجنان
اللبن بيتفرزعن طريق هرمون فى المخ لازم الثقة فى نفسك لان حالتك النفسية هنا هى الاساس.
🎄تخاريف ان النيدو يخده قبل سنة لكن البقرى بعد عام
الاتينين واحد لبن و بقرى زى بالظبط كلمة سنة وعام.
🎄تخاريف ان بعد سنة ياخد الزبادى واللبن خالى الدسم
..ابسييلويتى يا مدام
لبن الام نسبة الدسم فيه اعلى من البقري ده غير ان الدسم ده مهم لنمو المخ وبيساعد على امتصاص الفيتامينات.
🎄تخاريف انك متشيرش البوست لانك عارفة كل المعلومات
.. لا شيرى علشان تنشرى الوعى بين الناس😉
🎄كل سنة وانتم طيببن وياريت تشاركونا بتخاريف تانية فى الكومنتات ...... يلا مستنية الابداعات
#ودمتم_وأطفالكم_سالمين❤
تحويل كودإخفاء محول الأكواد الإبتساماتإخفاء