" ياسين طفل عنده سنتين ونصف ، بيشتكى من بقع نزفية تحت الجلد ، تم تشخيصها بقع هينوخ شونلاين ،، وبدأنا العلاج واتحسن بفضل الله وبعد عشر ايام تلقيت مكالمة مذعورة من أمه وهالنى ما سمعت ...
أفزعنى بشدة...*****
**************************
"ياسين بطنه محجّره يادكتور و مش عارفه ماله
😥اخترقت هذه الكلمات أذنى وانا اسمعها بكامل التركيز ،، وأخذت أفكر !!
نزف هينوخ شونلاين من مضاعفاته الانسداد المعوى Intussusception ،، وألم البطن عرض من أعراضه ، الإمساك أيضاً والترجيع ،، فوراً سألتها :
-طب هوا مرجّعش ولا عنده امساك ؟
-- لأ يا دكتور ، بس حاسّاه تعبان كده ومش عارفه ماله ،، أجيبهولك ؟
هنا جال بخاطرى شئ
💡- بقولك ايه يا مدام ، احنا لسه بندى الكورتيزون ؟
--اه يا دكتور ، زى ما قلتلى بالضبط !
- طيب قللي الجرعه لغاية ما ييجي اشوفه
👍.*بعد يومين*
- يلا يا ياسين ،، اطلع عالسرير يا حبيبي
😊-- جدة ياسين في قلق :
" مش يمكن يا دكتور الكورتيزون هوا اللي عامل فيه كده ؟"
- صعب يا حاجّه جداً ،، ميلحقش داحنا مكملناش اسبوع وبعدين دا انا بدي جرعة بسيطة جداً متعملش كدا !!
* تفحصت الطفل بعناية ،، ولفت نظرى منظر ( خدوده التخينة) ،، وبطنه اللى كبرت بشكل غريب فعلاً !!
أخذت أفحص البطن والكبد والطحال ،، كل شئ سليم ،، رغم التورم الظاهرى للبطن !!
فحصت الخصيتين تحسبا لوجود ورم مشابه ، لم أجد!!
باقى الفحص سليم تماماً والبقع النزفية اختفت بلا أثر ..!
" أصابتني الحيرة الشديدة التى ظهرت آثارها على وجهي مما دفع الأم لسؤالى :
خير يا دكتور في إيه
😧- بصي يا مدام انا كنت قبل ما افحص مستبعد تماماً موضوع ان الكورتيزون يكون السبب بس بعد الكشف ،، أقرب حاجه ان الولد منفوخ من الكورتيزون !! اقف عالميزان كده يا ياسين ..
- استطردت في حيرة:
والدليل ان الوزن زاد ٢ كيلو في ٥ ايام وده شبه مستحيل ،، بس يمكن ياسين يكون عنده استجابة فائقة Exaggerated-response ،، للكورتيزون وانا مشفتش كده ف حياتى بس بتحصل !!!
-- لمع شئ في عقلي
💡💡فسألت الأم بسرعة :بقولّك ايه يا مدام ،، الكورتيزون اللي عندك اسمه زايلون ولا "زايلون-فورت"
😧؟؟" زايلون - فورت " يا دكتور !! ليه!
-- لمعت عيناى وقلت في ثقة :
يبقى هوا ده السبب ،، انا كاتب في الروشتة زايلون بس ،، والصيدلي ادالك زايلون- فورت اللى فيه ٣ اضعاف جرعة الكورتيزون المكتوبة ،، يعنى ياسين بقاله اسبوع بياخد ٣ اضعاف الجرعة فدخل في متلازمة زيادة- الكورتيزون Cushing
syndrome وده اللى زود الوزن و"ورّم" الطفل ،، احنا هنقيس الضغط ، وتقيسيلي السكر ،، عشان نتطمن بس ،،
ومتقلقيش خالص هنسحب الكورتيزون بالتدريج من الجسم وان شاء الله هيبقى كويس
👍😊انصرفت الأم بياسين ، والقلق لا ينصرف عنها ،،
لم تمر ايام الا وهاتفت الأم ، واتطمنت على ياسين وأخبرتني بتحسن حالة البطن ورجوعه لطبيعته بالتدريج ،،،
أطلقت تنهيدة طويييييلة ثم قلت في نفسي :
"الحمد لله "...
وسرحت بنظرى بعيداً...
بعيداً جداً ....
****
لمزيد من التفاصيل يرجى الدخول على اللينك :
https://
**************************
١. تانى للي مش عارف ،، هينوخ شونلاين ده نزيف تحت الجلد ،، بييجي في الأطفال > الكبار ،، وبينتشر في الجزء السفلى من الجسم ،،وبييجى بعد التهاب فيروسي او بكتيرى او تطعيم او قرص حشرة، وفي الاولاد اكتر من البنات مرتين ،، وانه بيصيب الاوعية الدموية الصغيرة small vessel vusculitis ،، وبيخلى الدم ينزف منها تحت الجلد ١٠٠٪ من الحالات ، في المفاصل ٧٥٪، البطن ٥٠٪ ، واصابة الكلى بتوصل ل ٣٠٪ ،، بس كلهم بيخفوا بإذن الله.
٢. العلاج علاج الأعراض فقط بمعنى مسكنات للألم والتهاب المفاصل،، الراحة ، السوائل ، والكورتيزون (بردنيزولون) ،، في حالات خاصة(ألم بطن شديد، دم مخفي في البراز، زلال في البول، كدمات شديدة). وياسين كان عنده كدمات شديدة ( مش قادر يمشي) ،، وزلال في البول .
٣. من أهم وأخطر مشاكل المرض ده -مع ندرته، الانسداد المعوى وبييجى على هيئة الم رهيب مع امساك وترجيع وساعات بيحتاج تدخل جراحى ، وساعات الاطفال بيجيلهم التهاب في الزائدة الدودية
😥٤. الكورتيزون من الأدوية اللي ليها مفعول السحر ، بس كمان مينفعش الهزار فيها وجرعاتها بحساب ،، واديكو شفتوا الغلطة دخلت ياسين في إيه ،، وللعلم احنا لسه لغاية اللحظة دي بنسحب الكورتيزون من ياسين ، ادعوله بالشفاء وكل أطفالنا آمين
❤️اللى عاوز اقوله لكل الصيادلة زمايلنا ،، معلش انا عارف ان فيه ضغط شغل عليك ،، بس في أدوية معينة لازم تكون حذر فيها جداً ، ومتصرفهاش الا بالتأكيد ١٠٠ مرة على الأم والدكتور ،، وخاصة الأدوية المتشابهة ، واللى الحرف فيها بيفرق ،، تمام
👍انا بجد والله بفرح جدا جدا لما ألاقي زميل دكتور صيدلي بيتصل بالعيادة او برقمى عشان يتأكد من دوا معين ،، بجد والله ده فخر لكل صيدلي
😃٥. "هينوخ شونلاين" من الأمراض المعروفه على فكرة ،، وتشخيصها سهل ،، واللي انا عملته ده مش بطولة ولا حاجه والله ،، ومعظم زمايلي دكاترة الأطفال عارفين الكلام ده فضلاً عن أساتذتي ،،
بقول الكلام ده عشان محدش بس يحطنى فوق حجمى ، انا دكتور بسيط جداً وبحاول اجتهد واتعلم مش أكتر ،، والتطويل في الحكاية سببه انى عاوز الموضوع ميبقاش ممل مش أكتر
😉ويا رب تكون القصة-الحقيقية دي عجبتكم ،، واتعلمنا منها حاجه تنفعنا بإذن الله
تحويل كودإخفاء محول الأكواد الإبتساماتإخفاء