دكتور !!!
إبنى عنده إسهال من ساعة ما اتولد 😢
** اهدى بس يا ماما كده وخدى نفَسك ،، ليه هوا بيعمل كام مرة ؟؟
- بيعمل كل اما أرضعه ،، لأ وسايل كمان ،، ومحبب كده 😥
** طب ما دا الطبيعى ،، طبيعي براز ابنك يكون يا قليل لدرجة مرة كل يوم او يومين أو حتى أسبوع ،، أو كتير لدرجة كل رضعه يعمل حمام ، اللقطة دي اسمها Exagerrated gastrocolic reflex ،، بالبلدى كده " الواد بيفضى علطول " ،، وده طبيعي جداً ..!
- بقولك " سايل " يا دكتور متركز امال !!
** ايوا برضه طبيعي جداً القوام يكون "طرى" جداً ،، أو "سايل" و "محبب" ،، لغاية ما تدخلى الأكل ف" يمسك" شوية ،، أو لبن صناعى " فينشف" شوية !! كمان لونه بيبقى أصفر مخضرّ أو أصفر أو أحياناً أخضر لو الطفل راضع كمية قليلة أى دخلتى الحبوب في اكله ومتهضمتش كويس ! دا طبعاً غير "البراز الأسود المخضر Meconium" اللى بينزل أول كام يوم ولادة ده ،،
مالناش دعوة بيه !!
--الله !! امال امتا اقول إسهال !! وامتا اقول امساك وامتا اخاف من اللون او المخاط !!
** طيب ،، ركزى معايا يا ست الكل 👍👍
#في_بيتنا_بيبي....❤️
ايه رأيكم يا جماعة ،، نكمل ؟؟؟
3 التعليقات
إضغط هنا لـ التعليقاتكمل
ردكمل
ردكمل بليزززز
ردتحويل كودإخفاء محول الأكواد الإبتساماتإخفاء