خلى الأوامر مش كتير ولو ضرورى الأمر اللى حتديهوله متقوليلهوش أعمل ومتعملش
بمعنى أنا عاوزاه يأكل طبقه كله أقوله يلا نأكل ونشوف مين يخلص طبقه
بدل مثلا أدخل نام دلوقت لا نامى جنبه وقوليله انا حاحكيلك حكاية واحدة وحننام عشان انا عاوزة انام
ووزعى الأوامر بينك وبين والده متبقيش انتى الديكتاتور الوحيد فالبيت عشان ميملش
وحاولى فحدود الممكن لو حاجة ممكن تتعمل يبقى نعملها عشان لما نيجى نرفض يتفهم اننا مش بنعانده لا ان الحاجة دى متنفعش تتعمل
اتكلمنا قبل كدة عن العناد
العناد انواع ماينفعش يبقى رد فعلنا عليهم واحد لازم نعرف نفرق مابينهم
1-(الطفل مش فاهم)يبقى عاوز يعمل حاجةومش فاهم انها غلط او مش فاهم انها متتعملش هنا او متتعملش دلوقت
==العلاج==نفهمه ان اللى عاوز يعمله ده صح بس بيتعمل فالمكان والزمان ده واو ان اللى بيطلبه ده غلط
2-(اصرار الطفل)يبقى مصر انه يعمل حاجة ميقدرش يعملها,او ميعرفش انه ده حاجة خطر
==العلاج==نساعده يعمل الحاجة دى ,لوحاجة متنفعش تتعمل نخليه يعمل حاجة تانية يحس انه عمل انجاز
3-الطفل يربط بين حاجة حصلتله زعلته وانه بيعند فى حاجة مطلوبة منه دلوقت كعقاب مثلا لاهله انهم معمللهوش اللى كان عاوزه
==العلاج==نفهمه ان مافيش علاقة بين اللى حصل وانه يعند وان العنادده عقابه انه حيتحرم من حاجات تانى ومش حيوصله لحاجة
4-عناد العنف مع الاطفال فسنه او يشتمهم وده بيبقى بسبب ان الطفل اهله بيتعاملوا معاه بعنف
==علاجه==نوقف اى حد بيضرب الطفل او يزعقله عشان هوا مراية لينا بيفتكر ان دى الطريقة اللى المقروض يتعامل بيها مع غيره
***مع كل الانواع لازم يبقى عند الطفل حاجة يخرج فيها طاقته رياضة او مكان مفتوح يجري فيه,نلهيه بحاجة يهتم بيها يكون اساسا بيحبها
لما الطفل يطلب حاجة وفى امكانية ننفذها مالوش لازمة نعند احنا ومنفذهاش لما حيلاقى فى حاجات كتير مسموحة حيتقبل ان فيه ممنوعات
تحويل كودإخفاء محول الأكواد الإبتساماتإخفاء