النصائح الذهبيه لفصل الشتويه
كتر الكلام عن الشتاء وكل واحد اجتهد وطلع اللي جواه المهم بردو النصايح دي للي عايز ياخد بيها اللي مش عاجباها ولا كانه شافها
نظام يومي لمقاومه امراض الشتاء
1_ الطفل او مايصحي من النوم
حضرتك تجهزي ميه سخنه ونضيف عليها عسل نحل والطفل يشربها
لو قبل سنه معلقه صغيره
لو بعد سنه معلقه كبيره
العسل مش ممنوع قبل سنه
اللي بيكره العسل قبل سنه علشان البتيوليزم ودا مرض نادر الحدوث في الاطفال من العسل وعلشان تطمني اتاكدي انه عسل نضيف ومن مكان نضبف
2_ ابنك اللي رايح المدرسه او الحضانه
بعد ماشرب الميه بالعسل ودخل الحمام وغسل وفطر او مافطرش تكوني مجهزاله كوب عصير برتقال او جوافه ويشربها
تيجي وحده وتقول يادكتور انا باديله لبن ؟
لا يافندم خلي اللبن بالليل قبل ماينام
العصير هنا فوايده هيديني فيتامين سي وكمان هيبرد جسم الطفل علشان يتقبل البرد لما يطلع
3_ ابنك اول مايرجع من المدرسه لازم يغسل ايده ووشه بصابون معقم زي الديتول
4_ابنك هيرجع من المدرسه بالسلامه يلاقي حضرتك مجهزه ليه شوربه
اي نوع شوربه ؟
شوربه فراخ او شرربه عدس او شوربه خضار لازم يشرب شوربه علي الغداء
مفيده جدا في البرد للاطفال والكبار
5_ ابنك اللي تعبان او حضرتك او اي فرد في العيله تعبان
لازم ينام في اوضه لوحده
لازم ياكل لوحده ويشرب في كوبايه لوحده
يستخدم فوطه لوحده
6_ لو ابنك عنده حساسيه صدر او انف وكويس ومفهوش حاجه ادي البخاخه مره وحده باللليل
7_ الفواكهه الطازجه هي الافضل بل هي الاكثر اهميه في الشتاء مع السوايل الدافيه
8_ ادي ابنك سي فيت وكالوبين او اوميجا3 لتقويه مناعته ضد البرد وانتظامك في جرعات فيتامين ا تزيد مناعته ضد البرد ايضا
9_ السرعه والتبكير في التوجه للطبيب في بدايه مرض ابنك هيرحمو من ان التعب يزيد وياخد علاج اكتر
10_ لو مش عايزه تشيريه منشني لغيرك او لوومش عارفه تشيري اعملي كوبي باست عندك واحفظي الكلمتين دول مهمين
انا بدرت ونزلت البوست علشان التفاعل كويس
د.سامح النادي
تحويل كودإخفاء محول الأكواد الإبتساماتإخفاء