٣٠ يوم ..!
٣٠ يوم ومالك الحرارة مبتنزلش عنده ..
والدته - الدكتوره الصيدلانيه المثقفه جداً- اشتكت من إكزيما ( خشونة جلد) منتشرة فى كل جسمه ..
بيهرش فيها بشكل فظيع بتروح وتيجى بقالها ١٠ أيام .. الولد قدامى دلوقتى كويس.. يعنى هوا مش سخن حالياً .. نشيط .. مش فاقد للشهية .. وكمان فحصى ليه سليم تماماً ..
٣٠ يوم ومالك الحرارة مبتنزلش عنده ..
والدته - الدكتوره الصيدلانيه المثقفه جداً- اشتكت من إكزيما ( خشونة جلد) منتشرة فى كل جسمه ..
بيهرش فيها بشكل فظيع بتروح وتيجى بقالها ١٠ أيام .. الولد قدامى دلوقتى كويس.. يعنى هوا مش سخن حالياً .. نشيط .. مش فاقد للشهية .. وكمان فحصى ليه سليم تماماً ..
الموضوع بدأ من شهر لما جاتله حراره عاليه قعدت ييجى أسبوع .. وبعدين جسمه كله ضرب حساسية بس من غير هرش وقالولى حصبه ..!
كمان- على كلام الأم- كان معاه التهاب فى الحلق بس مخدش أى مضاد حيوى قالولى ڤيروس ..!
المهم ابنها عدى كل ده واتبقى بس الإكزيما دى .. والحراره اللي بتقول عليها نص درجة درجة فى اليوم...
عصرت ذهنى عشان أحاول أجمع الخيط اللى يجمع كل ده ملقيتش ..!
قلتلها بصى هوا الأكيد إن الإكزيما دى حساسية وهنعالجها إن شاء الله بس مالهاش علاقة باللى حصل من شهر .. واعمليلي خريطة حرارة يومية لإنى أشك إن الحرارة تكمل شهر .
اللى حصل لمالك ده ممكن يكون ڤيروس .. فيه EBV و CMV يعملو كده خاصة إنها بتحكى عن تضخم غدد تحت الرقبه مع الحراره ..
طلبت سرعة ترسيب و دلالات التهابات وهيا كانت عامله ميكروب سبحى .. كمان صورة دم وتحاليل فيروسات.
تانى يوم مالك جالى العيادة فى أغرب شكل ممكن اتخيله !!
مالك دخل وهوا بيسند على مامته عشان رجله ورمت تماماً ومش قادر يمشى ..
ذهلت وده خلانى أغير اتجاه التفكير تماماً وسألتها تانى بالتفصيل عن الحرارة العالية اللى حصلت من شهر وبعتها فوراً تعمل تحاليل روماتيزم الأطفال و إيكو عالقلب .
كمان بعتها لدكتوره استشارية روماتيزم الأطفال عشان أستفيد من خبرتها ومنأخرش التشخيص.
الإيكو طلّع تمدد فى حجم الشريان التاجى للقلب Aortic Aneurism فى واحد من أندر الأمراض اللى بتصيب قلب الأطفال وبتبدأ بحرارة مميزة ونسبة حدوثه لا تتجاوز ٢٥ طفل لكل ١٠٠ ألف .
* سنة ١٩٦٧ د.توميساكو كاوازاكى وهوا بيمر على الأطفال فى مستشفى الصليب الأحمر اليابانى فى طوكيو ؛ اكتشف تزايد عدد أطفال مصابين ب"شوية أعراض" مفيش حاجة تجمع بينهم .. كلهم عندهم حرارة معَديّه ال٥ أيام وعالية ٣٩-٤٠ .. كلهم عندهم طفح جلدى زى البقع فى الجسم كله .. كلهم عندهم التهاب فى الحلق وتورم أو تشقق شفتين .. وتضخم فى الغدد الليمفاوية على جانب واحد من الرقبة ، مع التهاب فى العين واحمرار بدون إفرازات ، وورم بييجى فى الإيد والرجل كمان مع الحالة .. عدد الحالات اللى سجلها كاوازاكى كانت ٥٠ حالة .
* بعد أول أسبوعين من المرض .. د.كاوازاكى اكتشف إن الطفح الجلدى بيقشر ويسيب علامه مكانه peeling خصوصاً فى الأطراف اليدين والقدمين . وده بيتزامن مع نزول الحراره للمعدل الطبيعى .
* سنة ١٩٧٦ ظهرت أول حاله "مرض كاوازاكى" فى أمريكا وبالتحديد ١٢ طفل من هونولولو .
* سر غريب العلماء احتاروا فيه وهوا إن من كل ١٠٠ طفل عندهم كاوازاكى فيه طفلين بيموتوا .. الغريب إن الطفلين دول بيكونو يا إما خفو تماماً يا الأعراض قلت جداً وفجأة تحدث الوفاة sudden death.
* بعد تشريح كل سنتيمتر فى الأطفال اللى اتوفوا اكتشفوا شئ غريب ومشترك وهوا إن كل الأطفال دى ماتوا بجلطة فى الشريان التاجى للقلب ومن هنا بدأوا يكتشفو العلاقة بين المرض ده و تمدد الشرايين التاجية للقلب Coronary Aneurism ومع مرور الوقت قدروا يقللو نسبة حدوث التمدد ده من ٢٥٪ إلى ٣-٥ ٪ بعلاج الأطفال دى بأجسام مضاده مناعية IVIG خلال أول ١٠ أيام من ظهور الأعراض.
* بعد أول أسبوعين من المرض .. د.كاوازاكى اكتشف إن الطفح الجلدى بيقشر ويسيب علامه مكانه peeling خصوصاً فى الأطراف اليدين والقدمين . وده بيتزامن مع نزول الحراره للمعدل الطبيعى .
* سنة ١٩٧٦ ظهرت أول حاله "مرض كاوازاكى" فى أمريكا وبالتحديد ١٢ طفل من هونولولو .
* سر غريب العلماء احتاروا فيه وهوا إن من كل ١٠٠ طفل عندهم كاوازاكى فيه طفلين بيموتوا .. الغريب إن الطفلين دول بيكونو يا إما خفو تماماً يا الأعراض قلت جداً وفجأة تحدث الوفاة sudden death.
* بعد تشريح كل سنتيمتر فى الأطفال اللى اتوفوا اكتشفوا شئ غريب ومشترك وهوا إن كل الأطفال دى ماتوا بجلطة فى الشريان التاجى للقلب ومن هنا بدأوا يكتشفو العلاقة بين المرض ده و تمدد الشرايين التاجية للقلب Coronary Aneurism ومع مرور الوقت قدروا يقللو نسبة حدوث التمدد ده من ٢٥٪ إلى ٣-٥ ٪ بعلاج الأطفال دى بأجسام مضاده مناعية IVIG خلال أول ١٠ أيام من ظهور الأعراض.
مالك دلوقتى ماشى على أسبيرين علشان منع الجلطات .. ومن رحمة ربنا سبحانه وتعالى إنه لما عاد الإيكو عند إتنين من أمهر استشاريي قلب الأطفال طلع حجم الشريان التاجى للقلب على أقصى اتساع له "فى المعدل" الطبيعى والحمد لله موصلش ل "تمدد " .. و بيعيد الإيكو كل فترة للإطمئنان والمتابعه .
وبالنسبة للإكزيما التحسسية فكانت "ثورة جهاز مناعه" حتى هذه اللحظة غير مفسره وتم علاجها ومرجعاش تانى بفضل الله .
عاوز اقول بس إن مرض كاوازاكى مرض موجود نسبته فى اليابان ٢٥٠ لكل ١٠٠ ألف ،، أمريكا ٢٥ لكل ١٠٠ ألف .. ممكن يقل شوية فى مصر .. يقل بس موجود ولازم الدكتور يفكر فيه .. لإن لو عالجت كل الحالات بمضاد حيوى عمرك ما هتلقطه ولا تكتشفه ..
وفي النهاية لو فكرت فيه ممكن تتقذ حياة الطفل معرض لمشكلة قلب بنسبة ٢٥٪ .
وفي النهاية لو فكرت فيه ممكن تتقذ حياة الطفل معرض لمشكلة قلب بنسبة ٢٥٪ .
عارف والله ان دكاتره كتير جداً عارفينه وبيشخصوه وبالذات فى الجامعات والمستشفيات التعليمية بس أرجوكم خلى الوعى يزيد وننشر الإهتمام وان الإيكو مطلوب جداً فى الحرارة فوق ٥ أيام مع وجود ٤ من الأعراض دى :
1. طفح جلدى فى الجسم .
2. التهاب حلق وفم مع تورم أو تشقق شفتين .
3. تضخم غدد ليمفاويه جانب واحد من الرقبة فوق ١،٥ سم.
4. التهاب عين بدون افرازات .
5. تورم يدين وقدمين .
2. التهاب حلق وفم مع تورم أو تشقق شفتين .
3. تضخم غدد ليمفاويه جانب واحد من الرقبة فوق ١،٥ سم.
4. التهاب عين بدون افرازات .
5. تورم يدين وقدمين .
لو لقينا ٤ على الأقل من الأعراض دى مع حرارة فوق ٥ أيام .. نطلب إيكو فوراً ونعامل الحالة على إنها كاوازاكى لإن العلاج خلال ١٠ أيام ممكن يحمى الطفل ويحييه من جديد .
مالك دلوقتى بفضل الله خف تماماً و أكيد خدنا موافقة مامته - اللى كان ثقافتها الطبية ليها أكبر الأثر فى الصبر معانا للوصول للتشخيص- عشان ننشر الصورة دى وقصته ❤️
ربنا يحمى أطفالنا كلهم آمين ❤️❤️
تحويل كودإخفاء محول الأكواد الإبتساماتإخفاء