(النهارده هكلمكم وباختصار عن موضوع مهم جدا..وهو الحقن ومكانها) 🙈
أولا :-👍
# من المهم جدا أن يكون فى كل بيت واحد بيعرف يدى حقن..وهى ببساطة هتدى فى الربع الفوقانى الخارجى من العضل زى ماهو موضح من الرسم..😊
🔴 وليه يادكتور مانديهاش فى نص العضلة؟😞
⭕لأن فى عصب اسمه sciatic nerve اللى هو خط مقطع فى الرسمة المتواضعة 🙈بيمر بموازاة منتصف العضلة وهو ده اللى بيغذى الرجل كلها..لو اتلمس لاقدر الله ممكن يعمل شلل مؤقت..لكن لو اتقطع ممكن لاقدر الله يعمل شلل دائم..😯..
⬅لكن من المهم والضرورى إن كلنا نحاول نتعلم ندى حقن..روح لأقرب صيدلى أو أقرب مستشفى واطلب منهم يعلموك محدش هيتأخر ..لإنك ممكن تحتاج حاجة مستعجلة لأى حد فى البيت أو جارك فى نص الليل وماتلحقش تروح المستشفى.😩
ثانيا :-
# الأطفال لحد 3 سنوات (وفى ناس بتفضل لحد 5 سنوات) بفضل أديهم الحقن فى الفخد من أدام بسن الرضع الموضح بالصورة..لإن الفخد من ورا صغيرة جدا ومتوقع نلاقى العصب ده ماشى فى أى حتة فى العضلة..وياريت دى نخليها لمتخصص..✋
# الأطفال فوق 3 سنوات بنديها فى المكان المخصص اللى هو الربع الخارجى الفوقانى المشار إليه فى الرسمة..بسن أطفال عادى..
ثالثا :-
الشخص البالغ خاصة لو جسمه فيه دهون (تخين يعنى ☺) مايفرحش لو حد عطاله بسن أطفال لإنها غالبا بتكلكع وممكن يكون لها نتايج مش حلوة 👍..خليك على سن 3سم كبار أو ياريت تعمل الصح وتاخد ب5 سم 😉..
وعذرا للإطالة ..ودمتم طيبين ❤
تحويل كودإخفاء محول الأكواد الإبتساماتإخفاء