"رنا" من الأقصر .. دخلت عليا العيادة من ٨ شهور بعد لفّ شهرين كاملين عشان الكحة اللى مبتفصلش ~ دكتور أطفال

"رنا" من الأقصر .. دخلت عليا العيادة من ٨ شهور بعد لفّ شهرين كاملين عشان الكحة اللى مبتفصلش .. حجز مستشفى وخروج بدون فايدة ..

الكحة شكلها إيه يا مدام ؟؟؟

بتكح تكح تكح لغاية ما تقطع النفس وتزرق...

دى سعال ديكى يا مدام !

هتاخدى الدوا ده وتيجى تاني ..

كمان معاها ارتجاع وزن من ساعة الولادة والوزن مش بيزيد ؟؟

شاكك فى حساسية لبن .. هنمنع ونشوف .

دخلت عليا انهارده بعد ٨ شهور ...

٨ شهوور بفضل الله الكحة اختفت تماماً ..

الوزن زاد والحمد لله ..

البنت زى القمر زى مانتو شايفين الفرق بين الصورتين واضح 😀

خرجت من عندى وأنا أحمد الله ..

الحمد لله المنعم بالعلم والفهم والشفاء ..

الحمد لله مسبب الأسباب..

لازم نعرف إن الكحة "اللى بتطول" أو "الحساسية" تحت ست شهور لازم ندور ورها على سبب ..

وبالذات لو معاها أعراض تانية زى ارتجاع أو إمساك أو إسهال أو عدم زيادة وزن ..

لازم نشك فى أمراض زي حساسية الطعام ونقص المناعة وأمراض ذاتية فى الرئة قبل ما نحكم بتشخيص الحساسية فى السن ده ..

صدقونى هتفرق ..

هتفرق جداً ...

دكتور أطفال