ابنى بقاله ٤ شهور البرد والكحة مش بيسيبوه ،، الحرارة مبهدلاه ،، المضاد متقطعش من البيت كل اسبوعين نوع لغاية ما اتهرينا !
الدور كمل بخراريج - جمع خُرّاج- صديدية متكررة في وشه وراسه يا دكتور...
قلتلها بعد الكشف المفصل :
مشكلتك فى حساسية الأنف ،، حنفية وبتنقط على الصدر بميكروبات مبتنتهيش ،، وخدت العلاج -
بخاخات الانف ..
ومشكلتك في الصدر نفسه ،، اتحسس هوا كمان ووصفتلها بخاخات الصدر ..
ومشكلتك التالته ،، في البكتيريا "المعششة" في جسم ابنك وعندك في البيت ،،،
احنا هنستخدم "برونكوفاكسوم " ٣ شهور عشان نرفع المناعه ٥٠٪ بإذن الله ..
وهتركزى معايا أوى في اللى جاى -وده الأهم -
عاوزين نشيل البكتيريا من جسم ابنك ،، من الانف ،، من الفم ،، من البيت عندك ،، عاوزين نصنع وسط-غير بكتيرى ، داخل البيت ،،
محتاجين صابونه ،، غسول يد ،، بخاخ فم ،، انتى وجوزك واولادك تستخدموهم اسبوعين لشهر عالأقل وهتشوفى الفرق ، المهم يكون فيهم مادة مضادة للبكتيريا اسمها "Chlorhexidin" تمام ؟؟؟
-تمام يا دكتور
👍-- العسل ده جالى بعد شهر ،، وهوا بفضل الله وحده خف تماما ، الكحة اختفت كلياً ،، الخراريج مرجعتش تانى ليه ...
ربنا وحده عالم بفرحتى انه جعلنى سبب !
الفكرة ان العسل ده بيقولى " يا دكتور انا زعلان منك عشان منزلتش صورتى فى الصفحة مش انتا بتقول الطب فن مش عن عن ؟؟؟"
قلتله هنزلها والله انتا حبيبي
❤️نصيحة ،، اى طفل مصاب بالتهابات بكتيرية متكررة ينصح باستخدام نفس الادوية دى - هتقلل ولو بنسبة - وجود البكتيريا حواليه .. ودي توصيات من جامعة جون هوبكنز الامريكية لأشد البكتيريا واشرسها فتكاً MRSA ,,
تحويل كودإخفاء محول الأكواد الإبتساماتإخفاء